Protesta para sa Batas o para sa Pulitika?

“Huwag gamitin ang isyu ng relihiyon para sa ibang ambisyon. Huwag pakialaman ang relihiyon dahil labag ito sa konstitusyon.”

Ilan lamang iyan sa mga matutunog na ipinaglalaban ng mga kasapi ng Iglesia ni Cristo (INC) matapos pumutok ang isyu ukol sa pagbuwelta ni kalihim Justice Leila De Lima ng Kagawaran ng Katarungan (DOJ).

www.gmanetwork.com
http://www.gmanetwork.com

Abot sa 5,000 katao ang nagtipon upang magprotesta sa harap mismo ng lokasyon ng nasabing kagawaran. Nagsagawa rin sila ng isang prayer vigil sa tapat ng EDSA Shrine na nagdulot ng matinding trapiko sa nasabing lugar.

Hinahawakan at ipinapatupad ng DOJ ang tungkulin nitong maging patas sa harap ng batas. Gayunpaman, sa mata ng iba, hindi maiiwasang iba ang kanilang pagtingin sa ginagawa nitong sistema. Ibinabato ngayon ng mga miyembro ng INC na kinakampihan ng DOJ at ni Sec. Justice Leila De Lima si Isaias Samson Jr., isang napatalsik na minister ng INC, na siyang nagsasampa ng kaso laban sa walong lider ng nasabing samahan.

Apela ni Samson, isinailalim siya at ang kanyang buong pamilya sa isang house arrest matapos masapubliko ang pagbatikos sa mga lider ng INC. Inilahad niya umano ang pagkakaroon ng korapsyon at magulong kalakaran sa loob ng simbahan. Ito ang pangunahing dahilan kung bakit nagsampa siya ng kasong “illegal detention” laban sa kanila.

“Huwag po sana nating daanin sa init, at sa halip po ay gawin natin itong kaparaanan para malaman ang katotohonan. Dahil kung hahayaan natin na umusad ang katarungan, ang batas, makikita kung sino ang tunay na lumabag at may mga nilabag,” pahayag ni Samson.

Iglesia Ni Cristo members crowd the stretch of Padre Faura St. near the Department of Justice main office gate in Manila during their 2nd day of protest to denounce DOJ's interference in INC internal affairs in Manila yesterday. (JOHN JEROME GANZON)
http://www.mb.com.phDisgruntled members of the Iglesia Ni Cristo rushed to the Department of Justice in Padre Faura Street, Manila on Thursday. The young INC members accused Justice Secretary Leila de Lima of interfering with their affair, including the investigation of the recent INC crisis. Photo by: JOEL LIPORADA

Iglesia Ni Cristo members crowd the stretch of Padre Faura St. near the Department of Justice main office gate in Manila during their 2nd day of protest to denounce DOJ’s interference in INC internal affairs in Manila yesterday. (JOHN JEROME GANZON)

Matapos panigan ni Sec. Justice Leila De Lima ang inaing ni Samson, kabi-kabilang parinig at pagbatikos na ang isinagawa ng mga miyembro ng INC. Anila, isa raw itong taktika upang mabura sa darating na eleksyon ang mga tumatakbong lider ng nasabing samahan.

Sinagot naman ng nasabing kalihim ang kanilang protesta. Aniya, ginagawa lamang niya ang kaniyang tungkulin nang matapat at tuwid. Wala siyang ibang dahilan sa pagkampi kay Samson dahil una sa lahat, may mga ebidensya umanong makapagpapatunay sa pagsampa nito ng kaso. Subalit sa kabila nito, tila nananatiling sarado ang pandinig ng mga miyembro ng INC at patuloy na binubulabog ang DOJ.

motioncars.inquirer.net
http://www.motioncars.inquirer.net

Iba’t ibang pahayag ang narinig ng publiko mula sa mga kasapi ng INC. Ayon sa kanila, ipinaglalaban lamang nila ang kanilang karapatan sa batas. Hindi umano dapat maging batayan ang relihiyon sa pulitika. Dapat maging pantay sa lahat ang batas. Sa kabilang dako, ipinipilit din nila na maghiwalay ang simbahan at ang pamahalaan nang sa gayon, maging mas maayos ang sistema. Bahala ang simbahan sa lahat ng kanilang kagustuhan at ganoon din naman ang sa pamahalaan. Sa ilalim ng batas, hindi umano maaaring aprubahan ito. Gayunpaman, may kalayaan naman umano ang simbahan sa pagpapatupad nito ng sariling mga kautusan; subalit sa oras na magkaroon ng isyu ukol sa pagkakaroon ng krimen at iba pang negatibong akto, laging ang batas ang unang batayan at ang kalayaang hawak nito, maaring maglaho.

Binigyang pahayag naman ng pamahalaan ang namamagitang tensyon sa pagitan ng INC at ng DOJ. May kalayaan umano ang simbahan at ang mga kasapi nito, subalit ang responsibilidad ng mga namumuno rito ang dapat bantayan at pahalagahan. Sa kanila umano nakasalalay ang imahe ng kanilang samahan kaya dapat itong bigyang pansin. Nilinaw din ng pamahalaan na walang pinapanigan ang DOJ kundi ang katotohanan. Walang anumang intensyon ang DOJ sa pagbukas ng kaso laban sa mga lider ng INC. Wala rin umanong kinalaman ito sa paghadlang sa pagpasok ng mga miyembro ng INC sa pulitika.

INC-PROTEST VIGI/AUGUST 28, 2015 Members of the Iglesia Ni Cristo rally near EDSA Shrine, Robinsons by EDSA Ortigas flyover. INQUIRER PHOTO/LYN RILLON
INC-PROTEST VIGI/AUGUST 28, 2015
Members of the Iglesia Ni Cristo rally near EDSA Shrine, Robinsons by EDSA Ortigas flyover.
INQUIRER PHOTO/LYN RILLON

Gayunpaman, tila naging labis ang pagbatikos ng mga kasapi ng INC sa DOJ at ng mismong kalihim nitong si Justice De Lima. Naiintindihan ng publiko ang nais nilang iparating subalit parang labis ngayon ang naging epekto nito. Gaya na lamang ng matinding trapikong naidulot ng kanilang pagtitipon sa EDSA. Maraming biyahe ang naantala at nahirapan sa pangyayaring ito. Aniya, nagtataka ang publiko kung bakit sa ganoong paraan nila nais iparating ang kanilang protesta.

interaksyon.com
http://www.interaksyon.com

Dagdag pa rito, sa mga balitang ipinalalabas sa telebisyon, kita ang iba’t ibang reaksyon ng mga kasapi ng INC sa kanilang pagtitipon. May ilang may hawak ng mga karatula at isinisigaw ang kanilang protesta. Ang iba naman, naroon umano dahil sinabihan ng kanilang lokal na dumayo at makiisa subalit hindi alam ang tunay na layunin. Marami rin sa kanila ang hindi alam ang kahulugan ng kanilang protesta gaya ng paghihiwalay ng simbahan at ng pamahalaan. Samakatuwid, hindi malinaw sa lahat ng kasapi ang tunay na pakay at nais ng kanilang samahan. Kung nahihirapan silang iparating ang gusto nilang mangyari, paano sila masasagot ng pamahalaan at ng DOJ sa gusto nilang pagbabago?

www.reuters.com
http://www.reuters.com

Wala mang makitang malinaw na hinaharap para sa isyung ito, tiyak na patuloy itong gagapang at magdadala ng iba’t ibang sitwasyon at maraming pagbabago ang magaganap. Hindi maghihiwalay ang simbahan at pamahalaan sa nasabing usapin, subalit tila posibleng may mamumuong tensyon dito dulot ng hindi maayos na pag-unawa ng naghihinaing na mga kasapi ng INC ukol sa kalayaan ng relihiyon at karapatan sa batas.

Huwag gamitin ang isyu ng relihiyon para sa ibang ambisyon – gaya ng pagsabak sa pulitika at paghawak ng mataas posisyon. Huwag pakialaman ang relihiyon dahil labag ito sa konstitusyon – hangga’t sa maayos at malinis ang kalakaran sa loob ng simbahan at walang maduming akto ang namamagitan.

-Clarisse Kaye L. Sanchez

Altruist Writer

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s